Diasabra anochi patruya di Oranjestad atento riba caya a tuma nota riba Caya Ernesto Petronia Ponton pa rotonde WVB un hyundai elantra coriendo basta malo riba caminda y di biaha a duna e chauffeur señal pa para.
Net dilanti di bow bow bar e chauffeur a para y e oficialnan a bay atende cu e homber, a constata cu e homber ta basta bebi cu en por ni para riba su pia, momento cu oficialnan a puntre pa su rijbewijs e no por a demostra esaki. Ya cu algun luna atras su rijbewijs a keda kita pa Polis bou orden di hues debi cu a surpasa e limite, y awor aki e homber a keda gara ta core auto burachi y sin rijbewijs. El a keda deteni y hiba pa warda di Polis.