Diadomingo marduga patruyanan di Oranjestad y Noord tabata para pafo di casuela pa control y un homber riba su harley a buta poco show core duro meimei e autonan di polis bay nort. Poco panort di e rotonde nobo Tanki Leendert banda di casuela nan a scucha un desordo y un patruya cu a sigui su caminda a topa cu e harley y e homber benta ey bou. E ora ey a notifica e patruyanan pa presenta y un ambulance debi cu e homber tabata herida. Ambulance a presenta pa atende cu e victima, maske e homber tabata bou influencia di alcohol y paramediconan a bay cune hospital pa observacion.