Diadomingo pasa di 11’or anochi un patruya a bay duna un motociclista señal pa para den area di Tanki Leendert y aki ta unda e motociclista a hisa su velocidad y den un birada cu ta un Y split a perde control baha caminda core riba caminda di santo y dal den un auto staciona dilanti un cas.
E impacto tabata fuerte momento cu e homber a dal abou unda el a haya sla fuerte na su cara y te hasta n’e yaris tabatin sanger. Ambulance a presenta despues di algun rato y paramedico a transporta e homber pa hospital bou escolta di Polis unda cu e ta deteni. Ora cu polis a bay coba den e tas a tuma nota cu tabatin un arma di candela carga y aki a notifica recherche y departamento tecnico di biaha. E brommer a keda tuma den beslag.