Diadomingo marduga personanan cu tabata bandi e truck di bende cuminda na Palm Beach a scucha un desordo basta fuerte y ora a bay wak ta un homber riba un brommer a pasa e hekwerk benta esaki abou.
Ora e hendenan a yega a topa e brommer so y nada di e persona, ora a cana busca a bin topa cu e homber benta den e buraco cu tin memei di e beton basha y e caminda. Polisnan a keda dirigi cu sumo urgencia pe sitio na yegada di patruya ta topa cu e homber den e buraco pega. Ambulance tambe a presenta y paramedico a bay den e buraco pa atende cu e homber herida y a logra di sak’e cu cautela y pone e homber riba e cama y transporta pa hospital pa atencion medico.
