KHAN SHEIKHOUN, Siria – Abdul Hamid Youssef, un homber Sirio, kende a sobrevivi e presunto atake kimico parti nort di su pais, a bisa cu e ofensiva a sacudi’e di un profundo soño.
El a lanta sintiendo cu tabata hopi dificil pa hala rosea.
Bulando for di e cama, Youssef a core bay sigura cu su yiunan morocho di 9 luna, ainda ta na bida. Aparentemente nan tabata ileso. Ta ora cu el a pasanan pa su casa y a bis’e pa e keda na cas.
Depsues el a pura sali pa sali pa haya sa di su mayornan, kendenan tabata na e cas na banda. Den e trayecto, Youssef a crusa cu hendenan cu tabata tambalea y cay riba caya.
E homber aki y hopi miembro di su famia extendi, ta biba den e extremo nort di Khan Sheikhoun, un pueblo den e provincia Sirio di Idlib. Diamars, e atakenan aereo a golpia un zona cercano na e panaderia local, algun meter leu di e cas di Youssef.
Pero no tabata trata di cualkier atake: e presidente Sirio Bashar al Assad a wordo acusa di uza armanan kimico den un atake cu a sacudi e area controla pa rebeldenan, mientras cu hopi ainda tabata drumi.
Youssef a yega cas di su mayornan pa haya dos ruman morto. Den medio panico, el a bay bek coriendo pa su cas pa revisa un biaha mas su casa y su yiunan. “Nan tabata tin scuma na nan boca, tabata tin convulsion. Tur tabata benta abao,” Youssef a bisa CNN rib e mainta di diaranson, mey mey di lagrima.
“Mi yiunan, Ahmad y Aya, y mi casa…. Tur a wordo sacrifica,” Youssef a sigura. “Henter mi famia a muri.”
E casa y e yiunan di Youssef ta entre e victimanan di loke ta teme ta e atake kimico mas letal di e pais den hopi aña. Ta delantando investigacionnan pa determina kende tabata e responsabel di e ofensiva di e mainta di diamars cu a laga mas di 80 persona morto, segun activistanan. E ehercito Sirio a nenga di ta uzando armanan kimico y a culpa e rebeldenan pa e matansa.
Youssef a splica cu el a cay den otro y a lanta algun ora despues riba cama di un hospital pa haya sa di un realidad impactante: gran parti di su famia extendi tabata morto.
E ta sostene cu cerca di 25 famia di dje a muri e dia ey na Khan Sheikhoun.
“Mi rumannan, nan yiu y nan primonan,” Youssef ta numera. “Rond di 25 miembro di mi famia, tur sacrifica,” el a insisti.
Segun rapportnan local di diamars, por lo menos 19 famia di Youssef a wordo asesina den e atake. Su casa y yiunan morocho a destaca riba e lista di victima, cu ta tabata circulando riba internet.
Diaranson, personanan di pueblo nort di Siria a reuni pa dera e victimanan.
Un imagen di Youssef ta zoya su yiunan, lora den paña blanco, a bira viral riba rednan social. Su potret a wordo saca mientras e tabata sinta na rand di un santana wantando na su dos yiunan. E videonan, graba momentonan mas despues, ta mustre na rudia na nan graf y yorando.
“Mi ta yorando, pero ta lagrimanan di felicidad,” Youssef y ta splica cu su yiunan awo ta cu Dios y esey ta miho cu ta na Siria.
“Mi yiunan no ta e prome muchanan den muri,” el a añadi prome cu el a kibra den yanto.
Fuente: CNN en Español