E dama K. a yama warda y a declara cu un conoci di dje S., a wordo menasa pa e conocido di polis y husticia e homber PK. K ta un pashent psikiatrico y tambe un uzado di droga. E tabata tin un jeans blauw bisti y un camisa shinishi. K. a declara cu P. ta loco loco y ta hopi peligroso, mirando cu e no ta bebe su remedinan. Polis a puntra K. si S. a yama polis, cual a resulta di no ta asina, pero e ta den su cas cera paden. K. a declara cu S. a bise cu e lo yama polis si y duna keho. Tambe K. a bisa cu S. a bis’e cu si P. drenta su cas un biaha mas, e lo yama polis. Remarcabel ta cu PK a mata hende caba den pasado. Central a wordo poni na altura.
Den oranan di anochi, comandante na warda amanda patruya na e adres den Apelsinastraat pa menasa. Eynan a papia cu S., kende a declara cu su sobrino PK, kende ta pashent di PAAZ a drenta su cas. P. a cana bay paden y a para dilanti di S. E tabata tin un arma di hunga y a dirigi’e riba S. Despues el a bisa S. “Abo Ta Next. Mi Ta Bay Matabo, Y Mi Ta Bay Busca Hende Pa Matabo”. Despues el a sali for di e cas y cana ba. S. a declara cu e tin miedo pa su bida, pasobra e sa cu P a yega di mata hende den pasado. P. ta bira agresivo ora cu e no bebe su remedinan. Patruya conoce PK hopi bon. A bay tira bista den vecindario, pero no a topa cun’e. Polis a splica s. Pa bay su siguiente dia entrega keho na recherche. El a mustra comprension y lo bay haci esaki. El a wordo splica tambe pa yama polis di biaha manera cu P. bin bek. Central a wordo poni na altura telefonicamente riba e situacion.