WASHINGTON D.C., Merca – Un homber na Merca a wordo aresta pasobra e kier a pone bom den e tiendanan di e cadena di tienda Mericano Target. E tabata spera cu e prijs di accion lo a baha, segun Ministerio Publico a anuncia diahuebs.
E homber di 48 aña a traha segun Ministerio Publico por lo menos 10 explosivo cu el a pone den sucursalnan di Target den costa oost di Merca, segun ABC News.
El a paga un homber pa asina traha e explosivonan y pone nan den e tiendanan, pero e homber na luga di esey, a bay polis.
E sospechoso tabata spera cu debi na e explosionnan e prijs di e accionnan di e cadena di tienda por devalua caminda cu e por a cumpra na un prijs barata e accionnan di Target.
Si e homber wordo condena, e por haya un castigo di dies aña.
Fuente: NU.nl