FORT MYERS, Florida – Un homber di Fort Myers, na Florida (Merca), a declara su mes culpabel di menasa e doñonan di dos tienda Musulman di e estado, Ministerio Publico a informa awe.
James Benjamin Jones, di 35 aña, a haci menasanan violento den un intento di “extingui e sustendo economico di hende simplemente pa nan religion,” Ministerio Publico a señala den un comunicado.
El a bisa cu durante e proceso hudicial a tuma luga den un corte federal, caminda cu e ta enfrenta dos cargo di odio racial, Jones a admiti cu el a menasa e doño di e local Halal Meat cu “bula” e negoshi “pa recupera e luga aki.”
Di igual forma, Jones a acepta cu a duna un ultimatum na e propietario di Sahara mediterranean Market pa e “no sosode mescos cu na Orlando”, e ciudad di e centro di Florida cu tabata escenario na Juni di 2016 di e mayor matansa cu arma di candela den e historia reciente di Merca.
Omar Mateen, un Mericano di 29 aña di origen Afgano, a mata den e tiroteo aki 49 persona den un local di ambiente gay di Orlando.
Ministerio Publico a informa cu ainda no a programa un audiencia di sentencia pa Jones.
Fuente: El Nuevo Diario