Homber na Hulanda ta haya 4 aña castigo pa sacudi su baby te ora cu el a mat’e

Corte na Den Haag a sentencia un homber di 30 aña di edad pa 4 aña di castigo di prizon pa a sacudi su baby (8 siman bieu). Fiscal a pidi 8.5 aña den prizon contra e homber aki cu ta biba na Waddinxveen. E homber a bisa cu e no kier a causa daño na su yiu, segun su declaracion, e baby a bira malo anto e tabata purbando di salba su bida.

Corte ta bisa cu no tin motibo pa un situacion di panico. “No tin indicacion cu tabata tin un emergencia medico,” segun a bin dilanti den corte, a wordo estableci cu lo mester a tin un sacudimento hopi duro y largo. Expertonan medico por a determina esaki basa riba e heridanan. Pero corte no ta pensa cu e homber kier a deliberadamente mata su yiu, y pa e motibo aki tambe e castigo ta mas abao di loke OM tabata pidi.

Fuente: NU. NL

Comments

comments