STORMVILLE, Merca- Un homber cu a pasa 22 aña den prizon pa un caso di dobel asesinato cual semper el a nenga, dialuna a wordo laga den libertad.
Un hues a anula Calvin Buari su sentencia y a duna ordo pa laga e homber di 46 aña den libertad inmediato, despues cu dos testigo a bin dilanti y a bisa di a wak un otro persona comete e asesinatonan aki y un di tres a bisa cu Buari tabata papiando cun’e ora cu e disparonan a cuminsa.
E rumannan Elijah and Salhaddin Harris, ambos den nan 20 aña di edad, tabata para den caya na the Bronx ora cu’n homber arma a yega y basha nan auto cu bala na September 1992.
Buari tabata forma parti di un gang di bario cu tabata deal y bende crack. Autoridadnan a wak’e como un menasa si el a wordo laga den libertad.
Seis luna despues di e asesinatonan, Buari a wordo acusa formalmente. Mas di un docena di bendedonan di droga y conocinan a testigua contra di dje. Un hurado tabata tin mester di solamente 2 ora pa condena Buari di aseniato y na 1995 el a wordo sentencia na 50 aña di prizon.
Pero Ministerio Publico ta insisti ariba e culpabilidad di Buari. Nan ta para ariba nan condena, y ta pensa di apela e decision di hues y ta prepara pa bay Corte un biaha mas.
Abogado di Buari, Oscar Michelen a bisa cu e posicion di Ministerio Publico ta basa ariba” rabia y fundamentonan di pasado”.
P’aworaki Buari ta pensa di focus ariba su caso y su famia, particularmente ariba alegra su mama, cu ta hopi malo. Y tambe e lo kier cuminsa su propio negoshi.
“Mi sa cu mi por ta exitoso”, Buari a bisa, “si mi bringa na e mes manera cu mi a haci pa a sali for di e cuater murayanan aki”.
Fuente: WN