Homber kier saca placa di otro y no kier dun’e su auto bek

Diaranson atardi, a presenta na warda di Shaba, e homber yama K. y a duna keho di malversacion. Diaranson, pa mas of menos 3’or di mainta, el a bay na “Lekker Bar & Restaurant”, caminda cu el a keda te cu mas of menos 4’or di mainta. Riba e parkinglot di e bar, a cuminsa cu un combersacion cu dos pareha. Tur cuater persona tabata papia Papiamento. El a duna e personanan un lift, pero debi cu K. tabata bao di influencia, e mes no por a stuur. El a laga un di e damanan stuur. Na caminda, un di e hombernan a bis’e cu si e kier haya su autubus color bruin modelo H-1, e mester paga 500 florin. Despues a dirigi pa cas di K. situa na Tanki Leendert pa aina busca e placa pa asina paga e hombernan. Ora cu el a yega cas, e tabata tin solamente 50 florin y a duna esaki na e hombernan. E hombernan a bis’e cu si e kier su van bek, e tin cu paga 500 florin. E desconocidonan a bay cu e van. Keho a wordo tuma.

Comments

comments