BRUSSEL, Belgica – Un homber kier a pasa auto riba algun agente na Molenbeek, cerca di Brussel diasabra. Durante e incidente no tabata tin ningun herido, segun polis a splica VTM Nieuws di Belgica.
E homber a bay cu su auto riba e polisnan durante un control rutinario den Weststation. Seguidamente polis a tira riba e conductor cu tabata sinta den un Mercedes blauw. El a sa di huy direccion Dilbeek.
Segun e prome informenan ta trata aki di un auto horta. “Nos a bin cu un accion di buskeda riba e homber. Durante e incidente ningun hende a keda herida,” segun polis.
Agentenan tin informacion riba e sospechoso, pero no por a duna mas detaye specifico.
Fuente: www.nu.nl