Diahuebs anochi laat dos homber a sorprende un homber na un club nocturno
den Windstraat, ex Jimmy’s, y bay cu e persona pafo y purba na horta su
pertenencianan. E victima no duna e dos hombernan nada y bay paden
y bati alarma pa jama Polis mientras cu e dos sospechosonan a hui. Patruya di Oranjestad a presenta na e luga y asina bay combersa cu e victima paden pa haya sa tur dato di e malechornan. Mesora a cuminsa cu buskeda pa e dos malechornan aki. Te na momento cu nos ta redactando e noticia aki, Polis no a logra haya nan. Ta spera si cu den transcurso di dia y siman logra pone man riba e dos malechornan aki.