Homber haya sin bida den su cuarto na e rancho na Spaans Lagoen

Diamars den oranan di atardi un persona a bin bishita su amigo na su cuarto pazuid di Rancho Clemente na Spaans Lagoen y a bin topa cu e homber benta abou den banda na su cama y no tabata reacciona, e homber a yama polis di biaha. Patruya di San Nicolas a yega di biaha na e sitio y a drenta e cuarto ariba y topa cu e homber no ta reacciona y a solicita ambulance di biaha pa presenta.

Paramedico a pone mashin na curpa di e homber pero no tabata topa cu ningun señal y a notifica dokter texier pa presenta y constata morto di e homber R.

Recherche tambe a acudi na e sitio pa haci na investigacion pa mira si por ta algo natural of tin un otro intencion cune. Familiarnan a presenta na e sitio y ta algun dia atras tabata tin comunicacion cu e homber. Maske nan no a topa cu e pickup di e homber unda posiblemente un hende a bay cu esaki.

Comments

comments