Diahuebs mainta autoridad a keda informa cu tin un homber morto bou di un dak di cas na Montaña. Patruyanan a presenta di biaha na e sitio a haya e homber benta abou no ta duna señal di bida y color di curpa a cambia completo cu ta indica cu lo tin basta rato morto.
Paramedico di ambulance tambe tabata na e sitio pero mucho no por a haci. Recherche di Noord y departamento forensico di Polis tambe a presenta pa asina haci nan investigacion. Un of otro manera e dak di palo lo a kibra y cay riba e homber y mate debi na e golpinan haya na cabes y curpa, unda esaki lo a pasa un dia prome y ta te awe hendenan a topa cu e curpa benta den cura di cas. Autopsia lo determina esaki.