Diamars anochi personanan na grito a yama polis pidiendo yudansa unda e topa cu un homber no ta dunando señal di bida den pool. Di biaha a dirigi polisnan y ambulance pa e sitio debi cu e personanan tabata altera. A dura un rato pa haya e cas debi cu tur hende na e cas tabata confundi. Na final a yega y segun e personanan e homber di den careda di 35 aña tabata morto den e pool, paramedico a mira e situacion y a opta pa yama dokter pa constata morto. A notifica recherche pa presenta pa mira e situacion si por tin crimen envolvi. Personal di slachtofferhulp a presenta pa papia cu e personanan cu a haya e homber hoga.