KANAGAWA, Hapon – Un Hapones di 50 aña cu tabata tin un coleccion enorme di porno, a fayece ora cu su coleccion di buki a cay riba dje. Apenas un 6 luna despues su curpa a wordo haya, despues cu e doño di cas a bay tira un bista ora cu e huur no a wordo paga.
Polis a duna opdracht pa haci e apartamento limpi den e prefectura Kanagawa riba un manera discreto, pa asina no trece berguensa pa su famianan. Un persona di e personal di limpiesa a sa di divulga esaki, segun the Mirror.
Segun e, no ta cla si e homber a bira malo y pesey el a dal contra un di e rekinan cu buki y a cay of si el a wordo placha pa e gran cantidad di revista. Si e tabata na bida despues cu el a cay, su gritonan no lo a wordo scucha pa motibo di tanto papel cu tabata tin riba su cara. Segun e persona, full e flat di e homber tabata yena cu revistanan erotico. E coleccio total lo a pisa un total di 6000 kilo.
Fuente: De Telegraaf