Trainer di futbol deteni pa viola dos menor di edad

Den oranan di awe mainta na un cas na Tarabana a detene e homber di inicialnan  F.G.J.P. naci na Aruba di 36 aña di edad deteni pa violacion di 2 menor di edad.

Ta trata di un persona conoci den comunidad. E ta un ex coordinador di ex minister di AVP, trainer di futbol y presidente di Brazil jrs.

E articulonan di nos Codigo Penal cu e homber ta sospecha di a viola ta:

– art 2:197 (Violacion)

– art. 2:200 (Acto nan sexual cu un menor di 12 aña pero no a yega e edad di 16 aña )

– art. 2:203 ( Persona cu ta haci acto nan sexual cu un otro persona door di duna placa of un regalo of door di gaña e persona cu no yega e edad di 18 aña) y

– art 2:204 ( persona cu ta haci acto nan sexual cu un otro persona cu ta pone su mes disponibel pa haci acto nan sexual aki ricibiendo cen y ta e edad di 16 aña pero no yega e edad di 18 aña ainda)

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.

Comments

comments