Dialuna atardi na rotonde Balashi un homber di edad a crusa caminda y a bay dal den un pickup cu tabata pasando. Tabatin persona cu a mira con e accidente a pasa, y a indica na e oficialnan e maniobra di e homber di edad. Debi cu e homber a dal abou, ambulance a presenta y asina brinda asistencia medico na e homber.
Polis di trafico tambe tabata n’e sitio y a tuma dato y como procedura a pone e chauffeur supla pa un test di alcohol y a test 0 cu ta indica nada.
