Relaciona cu e accidente pisa diamars pasa di 11’or di mainta riba e caminda principal di Savaneta banda di lidia’s kitchen unda un nissan cube a dal basta duro den un kia rio cu a bay pa lora su dilanti pa drenta Yaraweg.
E impacto tabata basta fuerte unda e chauffeur di e cube a resulta herida y e chauffeur den e kia rio tambe a dal su curpa basta duro den e stuurwiel. Polisnan a yega di biaha y ambulance. Ya paramedico tabata traha cu e homber di edad cu no tabata reaccionando. A cuminsa cu reanimacion debi cu no ta hayando pulso, a haci varios intento pero sin resultado y asina a notifica dokter presenta na e sitio. Esaki ta bira e di cinco morto den trafico pa 2021.
Vocero di Polis sra Liliana Rasmijn tambe tabata presente y a splica cu e chauffeur di e kia rio a lora dilanti e nissan cube y causa cu e accidente pisa aki a sosode y consecuencia un persona a perde su bida. Dokter a presenta na e sitio y a constata morto pa 11:40 am di Hubert H Maduro naci na Aruba di 61 aña di edad.