Den oranan di awe mainta Jeugd en Zeden Politie a haci un entrada hudicial na un cas na Tanki Leendert y a detene e homber di inicialnan E. Weert. naci na Aruba di 60 aña pa abuso sexual di menor (Art. 2.197, art. 2:200 jo. art. 2:210, art. 2:201 jo. art. 2:210 y art. 2:208 di nos codigo penal).
E sospechoso aki ta un ex locutor, kende a yega di wordo deteni den pasado caba pa violencia domestico.
Na dicho cas a confisca entre otro computer, laptop y telefon.
Cualkier persona cu por tin informacion di tipo di casonan tuma contacto cu autoridadnan concerni. E ultimo aña MasNoticia tin cu bisa cu autoridadnan local a bin ta traha intenso riba denuncianan di e indole aki pa present’e na Ministerio Publico cu ta esun encarga pa hiba e casonan na Corte.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.