ISLAMABAD/DEN HAAG- E manifestantenan lo keda protesta te ora cu e Prome Minister kibra tur relacion cu Hulanda. Cientos di demostrantenan na Pakistan a duna oido na un convocacion pa protesta for di Lahore ten a e capital Islamabad. Esaki ta como reaccion ariba e competencia di caricature di Geert Wilders.
Polis di Hulanda diamars a detene na Den Haag un ciudadano Pakistani, di 26 aña, sospechoso di a menasa, mediante un video di Facebook, cu ataca parlamento Hulandes of e organisador di un competencia di caricatura di e profeta Mohammed, AP ta informa.
Fuentenan policial no a menciona explicitamente e obhetivo di e atake, pero e competencia ta convoca pa Geert Wilders, lider di e partido ultraderechista PVV, y lo tuma luga na November na su oficina.
Hopi desordo
“Ta tipo di accionnan asina ta loke ta trece odio y intolerancia”, e Minister Pakistani, a bisa. E ta referi na e competencia di caricatura di profeta Mahoma, planea door di e lider di PVV, Geert Wilders.
Na Pakistan TLP ta purba di tur manera pa atrae un publico mas grandi. Esaki door di yama pa boycott di productonan Hulandes, via WhatsApp.