Diahuebs atardi un doño cu a reconoce su kayak cu a keda horta 2 luna pasa for di su cas na Playa a constata cu un persona a pone esaki riba facebook pa bende. Mientras tin un denuncia haci, e persona a informa un familiar di dje cu ta na Aruba debi cu e mes ta den exterior. A bay hunto cu polis na e cas na Rooi Afo y aki a reconoce e detayenan completo di e kayak cu ta unico na Aruba. Polis a detene e homber debi cu e kier a bende esaki pa 700 florin. A tuma e kayak de beslag y a notifica recherche di e caso.