PARIS, Francia-Un homber a retene al menos dos persona diamars den e centro di e capital Frances prome cu el a wordo aresta. E noticia a wordo confirma pa e minister di Interior, Gerard Collomb, riba cu cuenta di Twitter.
“Mi ta admira e profesionalismo y capacidad di respuesta di polis y forsanan di siguridad”, Collomb a splica.
Inicialmente no tin indicacion di cu por trata di un accion terorista, segun fuentenan policial a informa na e agencia di noticia EFE.
Sin embargo, ainda e motibonan di e agresor no ta conoci.
Segun medionan local, e homber a sigura di tin dos bom den su poder y el a pidi pa papia cu e embahador di Iran y gobierno Frances. Ademas, e sospechoso lo tabata arma cu’n cuchiu.
Agentenan di BRI, e unidad di elite di polis Frances, a yega na e luga hunto cu ekiponan di servicio di emergencia (SAMU) y autoridadnan a tene e luga cera.
Fuente: NTN24