Diamars den careda di 7:27 mainta Polis a haya un yamada cu na un cas na Madiki Kavel un persona a topa cu un homber no ta duna señal di bida. Patruya di Oranjestad a bay di biaha na e adres. Ambulans tambe a presenta na e sitio y e personal no por a haci nada mas pa e persona. Pa 8:20 mainta dokter Texier ta constata morto di e homber inicial, O.A.J.Tromp naci na Aruba dia 26 Septembr 1964. Fiscal a laga tuma e curpa den beslag mirando cu no por conclui e causa di e morto. Recherche tambe a presenta pa haci nan investigacion y departamento tecnico. Slachtofferhulp a keda pidi pa presenta pa atende cu e famia. Segun informe extra oficial un maltrato lo a tuma luga den e forma con a haya e homber cu slanan na curpa.