Den e parkeer plaats di Super Food diamars atardi a surgi un problema entre dos homber ora cu un homber a aserca otro y cuminsa dal na su auto. E persona den su trankilidad a papia cu e homber pa e trankilisa y stop di grita manera ta fin di mundo y e no a gusta con e homber a papia cune y dal e persona.
E homber a sali na defende di su mes y dal e homber bek un mokete den su cara y a laga e homber herida unda e tabata sangra pa su nanishi. E homber cu a haya e prome sla a bandona e sitio debi cu e tabata cu sy yiunan chikito den auto y nan tur tabata spanta. E homber a presenta na warda di Polis y entrega un denuncia contra di e homber cu a keda atras na e parkeer plaats di super food cu ta esun cu a dal e prome. Ambulance a presenta y asina atende cu e homber herida.