TEGUCIGALPA, Honduras- Santiago Hernandez, cu tabata biba den e mesun cas di su victima a wordo deteni den e municipio di Comayagua.
Polis Nacional di Honduras diadomingo a informa riba e captura di Santiago Hernandez, un homber di 54 aña acusa di a viola su subrina di 4 aña
E acusado a wordo deteni diasabra anochi den e pueblo El Sitio di e municipio di Comayagua, region central di e pais.
Hernandez tabata biba den e mesun cas unda e victima tabata biba cu su mayornan y el a wordo captura despues di cu polis a ricibi un denuncia pa delito di “violacion special”.
Según e prome informenna, e homber a laga tur hende bay drumi y el a bay den e camber di su subrina pa abusa di e criatura, pero e mama a spierta y el a ripara cu algo tabata pasando”, polis a bisa.
Na Honduras, e delito di violacion sexual, castiga pa e articulo 140 di Codigo Penal, ta establece un castigo di 9 pa 13 aña di prizon, pero ora cu e victima ta bou di 12 aña, e castigo ta di 15 pa 20 aña.
Fuente: http://www.cooperativa.cl