Diasabra den oranan di merdia polis a keda informa cu na un cas na Madiki Kavel homber a yega y menasa e señora di biaha polisnan a keda dirigi pa e sitio. Na yegada di e patruyanan tabata e cas unda cu riba 11 Januari 2023 anochi un homber a maltrata un señora di edad severamente lagando e basta herida na su cara y posibel cashi wowo destrui.
E homber despues di e acto a bandona e sitio y regresa cas bek laga auto atras y bay traha manera nada un pasa, pero coordinacion cu polis y e trabou, nan a manda busca e homber trece na trabou y asina polis a papia cune y a detene na pia di trabou. Pero aki por tuma nota cu Hues Comisario y Fiscal di Ministerio Publico tanto a haci show den media cu no ta tolera maltrato den 10 dia a laga e homber aki den libertad y tabata un maltrato severo y principalmente cu un señora di edad.
E homber a sali den libertad el a yega e cas cu bo a grandi menasa e señora cu tabata den cas y asina subi su auto y bandona e sitio. Polis a papia cu e señora y tuma denuncia un biaha mas.
