Paul Alexander, un Mericano cu despues di a sobrevivi poliomielitis di mucha, a biba shete decada dentro di un pulmon di hero, a fayece dialuna na edad di 78 aña, segun e ultimo update publica riba su pagina di e plataforma di GoFundMe.
“Durante e tempo aki, Paul a bay universidad, el a converti den abogado y den escritor. Su historia a biaha tur caminda, influenciando positivamente hende rond mundo. Paul tabata un modelo increibel cu lo sigui wordo recorda,” segun e texto, firma pa Christopher Ulmer, cu a entrevist’e na 2022.
Tambe, el a señala cu e comunidad a recauda un gran cantidad di placa pa Alexander, pa cual su ruman homber Philip ta hopi gradicido cu cual a realisa donacion pasobra – e ta sigura cu a permitie biba su ultimo añanan sin stress.
Riba e punto aki, el a detaya cu e placa tambe lo sirbi pa paga su entiero. “Ta absolutamente increibel pa lesa tur e comentarionan y sa cu asina hopi hende a sinti nan inspira (…) Paul, nos lo haya bo falta, pero semper nos lo recorda bo. Danki pa comparti bo storia cu nos,” e texto a conclui.
A pesar cu no a menciona causa di e morto, algun siman pasa su representante a publica un video riba red social camind cu a informa cu el a wordo hospitalisa despues di a haya COVID-19, pa despues por a bay cas, e medionan local a informa.
