Diahuebs anochi dilanti misa di Playa un señora a topa cu un chevrolet spark coriendo cu su number di auto horta, e persona tabatin denuncia tur cos haci na polis.
A sigui e auto te den e parkeerplaats dilanti misa, polisnan a yega di biaha pa atende cu e situacion. E homber a tuma nota cu polis tabata ocupa cu e señora el a probecha di core bay y asina a start un persecucion na pia cu a bin termina te patras di ex Aruba bank den caya grandi. Polis a detene e homber di biaha y a keda transporta pa warda di Polis, e auto a keda tuma den beslag.
