Diadomingo mainta un persona tabata sigui un nissan almera shinishi bahando for di pariba coriendo basta malo mes y a raporta na autoridad. Di biaha central di Polis ta despacha unidadnan cu por yega pa evita desgracia di e chauffeur iresponsabel aki. Un patruya cu tabata otro banda di caminda a bira bek pa bay tras di e auto, pero e auto a subi su velocidad yega rotonde Mahuma bay direccion nort y bin ariba den un hanchi, e polis a sigui su tras tambe y despues constata con e auto a dal den cura di cas. A baha di biaha pa atende cu e chauffeur y e no tabata ni por a para riba su pia. A detene di biaha y asina bay cune warda di Polis.