ALGIERS, Algeria- Un corte na Algeria a sentencia un homber na dos aña di prizon pa a colga un baby for di bentana, pa asina e haya “likes” ariba Facebook.
E homber a post un potret di su mes, colgando e baby for di un bentana di un edificio halto cu e leyenda: “1000 likes of mi ta lag’e cay”.
Esaki ta pone cu usuarionan di rednan social a demanda e homber pa abuso infantil.
El a wordo acusa di pone e baby su siguridad na peliger. El a wordo aresta diadomingo, polis a bisa.
E baby tabata colga for di e bentana ariba e di 15 piso, di un compleho di apartamento den e capital.
E homber, cu ta famia di e mucha, a nenga di a pone e mucha su bida na peliger, bisando cu e imagen a wordo altera door di usuarionan di rednan social.
Tata di e mucha a pidi hues pa pordona e homber, bisando cu e tabata solamente hungando cu e criatura.
Sinembargo, hues a conden’e, bisando cu e potret tabata masha cla y cu e bida di e mucha, enberdad tabata na peliger.
Fuente: www.bbc.com