Homber castiga na 66 aña di prizon pa a abusa di un menor

MISSOURI/CIUDAD DE MEXICO- Un homber cu a viola un menor di edad na Mexico cu despues a huy pa Merca pa evadi husticia, a wordo sentencia na 66 aña, 10 luna y 12 dia di prizon despues di a wordo deporta. Esaki ta segun informacion diasabra di Ministerio Publico di Mexico.

E homber a wordo extradita for di e estado di Missouri, pa unda el a biaha despues di a abusa sexualmente di un mucha mientras cu e mama, cu kende e tabata mantene un relacion sentimental, tabata ausente.

E agresor a wordo declara culpabel di violacion contra di un menor. Di mes manera, e lo mester paga un suma na daño y perhuciio.

E homber ya caba tabata tin antecedente pa delitonan sexual cometi contra di un menor di edad.

Comments

comments