Diamars atardi despues di 1’or a sosode un situacion alarmante unda un persona a confronta problema den lama y a guli hopi awa na Eagle Beach net banda di Costa Linda Hotel. Algun otro bishitantenan cu tabata na lama na mesun problema a ripara cu e dicho persona tabata tin problema y actua raro den lama, di biaha nan a bula na awa pa rescata e persona.
Den e proceso di rescate un persona fememina a fractura su pia. Polis y ambulance a presenta di biaha pa duna yudansa y e paramediconan a atende y stabilisa e persona cu a guli hopi awa na e sitio den e ambulance pa despues transporta dicho persona pa hospital.
E persona feminino cu a fractura su pia a keda trata pa e otro unidad di ambulance cu a presenta unda eynan tambe personal di ambulance y polis a duna un man.