Diabierna recherchenan bou ordo di fiscal di ministerio publico a haya orden pa aresta un sospechoso fam Maduro y cu posiblemente ta cana cu arma di candela, despues di un menasa cu a keda haci.
Pero basta lihe autoridad a haya informacion cu e ta den Pos Chikito, patruya a topa cu e sospechoso riba scooter y a dun’e señal pa para pero a nenga y a keda core pa Polis y patruya a sigui’e for di un distancia. Asina e homber na careda cu su scooter a drenta cura di cas y a detene di biaha. Recherche na e sitio a mustr’e e orden di detencion pa menasa y mas. A listra den auto staciona dilanti cas y rond di su apartamento.