Riba 2 di april, pa mas o menos 9 or y 15 di anochi, polisnan ta ripara un auto coriendo ariba e caminda den direccion di Monserat. E lus banda di chauffeur patras tabata daña. Na altura di Monserat , polisnan ta para e chauffeur B. Ora cu polisnan a yega cerca nan a constata cu e chauffeur tabata bou di influencia di alcohol. E tabata papia cu lenga pisa y tabata hole alcohol. Mirando cu e homber a yega su cas caba, a bis’e pa e bay paden pa e bay drumi. Pero B. a keda pafo ta haci fastioso.E no tabata kier a tende di bay paden pa sosega su curpa. Polisnan a dicidi di retira, pero aki ta caminda cu B. a cuminsa grita palabranan ofensivo den direccion di e polisnan. Pa cu esaki, pa mas o menos 9 or y 20, B. ta keda deteni y a wordo transporta pa warda di polis na Shaba. El a presenta dilanti di hues comisario cu a duna ordo pa e haya un cuarto gratis te ora su buracheria pasa.