Diamars atardi a sucede un accidente basta fuerte na altura di e rotonde na Tanki Leendert. Na yegada di e prome patruya ta constata cu un Kia Cerato preto a tuma un bocht grandi riba un velocidad y ta dal duro den un Toyota Corolla blauw para den fila e otro banda di caminda y pusha e Corolla den un Toyota Prado blanco para su tras den fila.
Daño material ta grandi. Un dama den e Corolla a keda levemente herida. Ambulance a presenta na e sitio pa atende cu e dama. Polis di trafico tambe a presenta pa investiga kico precies a pasa y tuma dato. Den e Cerato tawata tin dos persona masculino pero ora di e accidente un a core bay direccion ariba. Segun e otro e no tawata na stuur pero tur testigo a bisa cu ta e mes. E ta un conoci di polis y posiblemente bou di influencia. Un rato despues doño di e auto a yega y bisa polis cu e auto a wordo joyride for di dilanti su cas. No a keda nada otro di detene G. pa a joyride auto y core posiblemente bou di influencia.