Diadomingo mainta trempan Polisnan a keda notifica cu n’e rotonde grandi di Sasaki pabou di e pompstation tin un otro accidente cu auto a dal contra di e muraya di e rotonde. Polisnan a presenta di biaha y topa cu un hyundai color cora full parti dilanti destrui. A bay pone e chauffeur di e auto pasa test di alcohol el a nenga y cuminsa lanta cu polis papia palabranan y momento cu a bay pa detene el a resisti cu polisnan, e oficialnan a wanta yen di palabra rato prome y nan pasenshi a caba y asina purba manda e homber vloer pa detene.
Momento di bay detene e dama bebi acompaña cu e homber tambe tabata stroba Polis su trabou y purba mete y mishi cu polis y aki polis a hale un banda pero debi cu e tabatin sapato di hilchi bisti a trompica cu e acera y e caminda y a dal abou. E muhe a lanta despues pa para riba su pianan y el a dal e Polis un mokete na su curpa y aki e oficial a bay detene y e muhe tambe a resisti cu Polis. Asina mes man na boei tabata purba lanta y busca problema cu e oficialnan.
