Diahuebs merdia un señora pasando banda di e dam na Tanki Leendert a mira un homber benta banda di e canto di e dam y a bay wak kico ta pasando. E señora a constata cu e homber no ta move y a bati alarma na polis y manera patruya a presenta a topa cu e homber drumi boca abou y brasa cu un cacho y banda di dje su boter di alcohol.
E homber tabata basta bebi el a para su auto na e bahada y cana bin abou posiblemente e lo kier a dal un sambuya den e awa pero no a yega y a dal abou y keda drumi. Polis a purba na lante yen di biaha pero invano, ora dog catcher a presenta ambos oficial a lanta e homber y asina bay cune den e transport wagen y e cacho tambe mester a bay warda debi cu no por a lage riba caya asina pa su cuenta.