Diaranson marduga un homber tras di stuur di un corolla a subi rotonde Seroe Patrishi tur cu tin, ranca borchi di trafico y kap tres tire di e auto y keda core riba riem casi yegando rotonde Cumana. E homber no tabata sa mes kico a pasa, asina mes el a sigui core te ora cu el a dicidi di para e auto meimei caminda warda polis yega. Na e sitio oficialnan a tuma nota cu e auto tin basta sla y e marca di e borchi riba e hood, a pone e chauffeur supla pero tur tres biaha a faya y a keda deteni hiba warda pa pasa un test. E auto a keda hiba warda.