Diasabra atardi patras na Waykiri Condes na Rooi Santo mientras un grupo di persona ta trahando riba e condominium tres persona desconoci a baha for di un nissan march y bay na un di e hefenan y atrake. Den esaki a cuminsa bringa cu e homber formalmente y lage herida, nan a bay cu alrededor di 12 mil florin, cartera, holoshi y un celular. E sospechosonan a bandona e sitio di biaha bay direccion di playa. Ta personanan cu a mira movecion straño a cuminsa core tras di e auto y informa autoridad di biaha. Den area di Solito un patruya a topa cu e auto y a core bay su tras di biaha y e auto a perde control dal den cura di cas y aki e sospechosonan a sali na careda bula curanan di cas. Den esaki polis a topa cu un homber cansa cu no por a bisa kico e tabata haci ey banda y a bay over na detene. Despues di rato a logra gara e di dos. Na e sitio polis a tuma dato di e victima y e testigonan. Ambulance a presenta pa atende cu e victima.