Un funcionario policial pasando den cayanan di San Nicolas a bati alarma na su base pa personanan coriendo tras di otro cu arma blanco.
A mira e hendenan aki banda di Carnival Village poco prome cu 3’or di atardi. Cierto momento a mira cu e persona(nan) aki a drenta Village y despues a mira un di nan dilanti un Barbershop den Rembrandstraat. Eynan un homber a bati alarma na Polis cu el a wordo ataca cu machete.
Polisnan a yega a e Barbershop pa papia cu e victima y despues a bay cu ne warda pa tuma su declaracion. E hobennan nan no a haya.
