Willemstad Curacao: Dialuna den careda di 9:45 mainta autoridad a keda informa door di habitantenan di Kura Piedra unda lo ta scuchando tironan den Kaya Hematita. Polis di biaha ta yega na e sitio y topa cu un homber cu varios herida di bala y ta den situacion basta grave.
Ambulance a yega na e sitio y a purba di tur manera pa saca e persona pero mucho no por a haci. E prome informe premilimar ta cu lo ta trata di un atraco cu a bay robes, tabatin mas miembro di famia den e cas na momento di e atraco cu a termina cu un persona asesina. Edward Anthony Leito nasé na Kòrsou 12 desèmber 1947, Un tempo tabata traha den gobierno.