Homber arma ta hinca un persona mata na Paris

0
RBC Juli 2018
Funmiles-2018

PARIS, Francia- E agresor a wordo mata pa polis den e zona di Opera. Ademas di e victima fatal, tin dos persona mas herida di gravedad. Medionan di comunicacion Frances a señala cu a atacante tabata grita “Allah Akbar” mientras e tabata hinca hendenan pa loco.
Polis di Paris a confirma cu un persona a resulta morto y cuater herida, dos di nan ta grave, den un atake pepetra diasabra den e zona di Opera. Esaki a wordo haci pa un homber arma cu’n cuchiu.
“Un individuo arma cu’n cuchiu a agregi cinco persona den e di dos distrito di Paris, lagando un persona morto, dos herida di gravedad y dos levemente herida. E agresor a fayece”, polis a bisa a trabes di un publicacion via Twitter.
Segun e cadena Europa 1, e homber, di cual su identidad ta desconoci a grita “Allah Akbar” (Alahh ta grandi), na momento di e agresion.
E agresion a tuma luga den e di II districto Parisino, den e centro di e capital Frances.

E minister di Interior, Gerard Collomb, a bisa riba Twitter “a sanger frieu y e reactividad di e forsanan di polis a neutralisa e asaltante”. El a agrega: “Mi prome pensamentonan tabata pa e victimanan”.

E brigada criminal di polis a habri un investigacion, segun un fuente hudicial a señala. E motiviacion di e agresor ainda no ta conoci.

E agresion a bin na momento unda cu e Francia ta biba bou di menasa terorista. E ultimo atake mortal a tuma luga dia 23 di maart na Caracasonne, zuid di e pais. Akinan 245 persona a perde nan bida den atentadonan riba suelo Frances desde 2015.

Comments

comments

C: Heineken
new india