Dialuna pa mas o menos 10:30 mainta unidadnan policial ta keda dirigi pa un cas na Washington caminda un ciudadano a keda atraca den su cas pa personanan desconoci. E doño di cas ta comenta na e oficialnan cu e tabata pafo di su ccas y dos homber color scur bisti cu tshirt preto y jeans blauw a bin riba dje cu un arma di candela.
Ningun di e hombernan tabatin nan cara tapa. Aki ta unda e atracadornan a forsa e homber drenta su cas y seranan den un camber cu su señora yiu chikito y reboltia full e cas. E atracadornan aki a bay cu celular y laptop di e habitante.
E doño di cas no ta sigur si nan por a bay na pia. Mientras tabatin otro patruyanan den bisindario buscando rond. Atraco team, departamento forensico a presenta pa haci nan investigacion. Personal di Slachtofferhulp tambe tabata presente pa papia cu e famia.