Diadomingo anochi laat persona atento a tuma nota di un hende riba e dak di mfa na Savaneta y a informa polis. Patruya di San Nicolas ta presenta di biaha na e sitio y topa cu di berdad un homber riba e dak no kier baha.
A solicita brandweer pa yuda cu luz, bomberonan a presenta di biaha na e sitio. E homber di biaha a core baha ora a mira cos a bira cayente den su direccion. A homber a cuminsa resisti cu e oficialnan momento cu a bay atende cune y tuma su dato. No a keda nada otro pa falta di respet a bay pa detene pero e homber tabata sapatia man y pia den direccion di polis, a mande vloer pa boei e pero nada. A purba na boei su pianan pero asina mes e homber ta lanta pia pa agredi oficialnan y a pidi mas yudansa pa duna un man cu e homber agresivo aki.