Diaranson mainta autoridad a keda informa cu na un cas na Noord Cura Cabai tin un caso serio andando unda un homber tin un dama secuestra contra su boluntario y ta maltratando e dama pa algun dia caba.
E famia tabata buscando e dama aki pa 2 dia caba, y a haya un tip cu e dama ta hinca den e cas contra su boluntad y e homber lo a maltrata e dama varios biaha y te hasta menasa cu posibel arma di candela.
Polisnan a yega di biaha ne cas y a cuminsa negosha cu e sospechoso y a mantene un area grandi rond di e cas cera y warda team special. A pone sub fiscal na altura cu a presenta tambe pa combersa cu e sospechoso pero no tabata coopera pa e sali. E victima cu ta un dama naci na Venezuela di 31 aña a logra sali, ambulance a presenta pa atende cu e dama di biaha.
Despues di varios negosacion e homber a sinti caya ta birando cayente pe cu un team special lo cana kibra drenta den e cas y por spere di haya mas peso, el a sali lomba sunu y entrega su mes.
E storia cu e dama a duna oficial ta pone cu recherche lo investiga e caso, debi cu tin maltrato si.
