Diamars pasa di 1’or di marduga riba Av Nelson Oduber ex Sasakiweg yegando e rotonde cu tin pabou di superfood un homber turista den un hyundai accent Vcar a perde control debi na caminda muha y a dal y ranca un pal’i luz pa despues bolter.
E auto a keda riba su dak, e homber a sali cu su propio forsa, patruya di biaha a presenta y topa cu e auto riba su dak, y e pal’i luz ranca y kabelnan di coriente tabata colga.
A notifica elmar pa presenta n’e sitio pa cuminsa cu e trabounan necesario. Ambulance tambe a presenta unda paramedico a brinda asistencia na e homber pa controla tur cos.
Na final takelwagen a bolter e auto bek pone riba su 4 wiel.