Willemstad Curacao: Diasabra 3 di Juni 2017, alrededor di 9:20 am central di Polis a dirigi un patruya na Noordzeestraat pa un caso caminda un persona grandi y dos mucha lo a haya kemadura na nan curpa. Na e sitio Polis a topa cu un homber di 39 aña di edad cu kemadura na gran parti di su curpa y tambe dos mucha respectivamente 6 y 8 aña cu kemadura na orea y pia.
For di un investigacion premilinar cu polis a realisa na e sitio a resulta cu e victima di 39 aña tabata para na e dilanti den e minimarket y e sospechoso a cana bin cerca di dje. Tabatin manera un intercambio di palabra y diripiente e sospechoso a saca un boter di plastic y a basha un likido riba e victima y despues sende na candela. Tanto e victima como e sospechoso a pega na candela. E sospechoso a kita e tshirt cu e tabatin bisti y a core sali for di e minimarket mientras e victima a keda na candela. Dos mucha cu tabata den bisindario tambe a haya kemadura na orea y pia.
Personanan den bisindario a logra para e candela riba e victima, e homber di 39 aña cu ta e victima a keda transporta cu urgencia pa hospital pa atencion medico. Mas laat a transporta e chikitinnan tambe pa hospital pa atencion medico. Continuando cu e investigacion alrededor di 6:30 polis a detene e homber R.E.E naci na Curacao di 39 aña di edad riba seru Fortunaweg como sospechoso di intento di asesinato den e caso aki.
Un dia prome e homber aki a cende misa di suffisiant na Candela y tambe un centro comercial den suffisiant na candela alaves un centro di haci fiesta rincon Cubano tambe.