Diaranson mainta mientras cu polisnan tabata investigando un caso di homber haya morto na Bushiribana a bay na cas di su pareha na Washington debi cu a purba contact cu ne pero sin resultado. Ora cu oficialnan a yega na e cas ta topa cu e dama sin bida den e cas benta y aki a notifica autoridad competente cu a start un investigacion grandi. A cera full e cas di biaha pa laga esaki den man di recherche, departamento tecnico y fiscal.
Durante investigacion a saca afor cu ta trata di un crimen pasional, unda posibel pelea di pareha den oranan di sea anochi pa marduga a termina cu e homber a mata e muhe pa despues bay pone fin na su bida na Bushiribana. E dama ta un fysiotherapista conoci pa varios persona na Aruba.